A Secretaría Xeral da Consellería de Agricultura, Gandería e Montes resolveu convoca-la seguinte licitación, polo sistema de concurso aberto:
Obxecto: contratación da subministración consistente na adquisición de material informático para o Centro de Investigacións Agrarias de Mabegondo-Abegondo (A Coruña), de acordo cos proxectos e pregos aprobados para iso.
Orzamento de licitación: seis millóns cincocentas mil pesetas (6.500.000 ptas.).
Fianza provisional: exenta.
Fianza definitiva: duascentas sesenta mil pesetas (260.000 ptas.). A forma de licitación será pola totalidade.
Exposición dos pregos: o prego de cláusulas administrativas particulares así como o de prescricións técnicas estarán á disposición dos licitadores para o seu exame durante o prazo de presentación de ofertas, os días e horas hábiles de oficina, na Dirección Xeral de Estructuras e Desenvolvemento Rural da Consellería de Agricultura, Gandería e Montes (edificio administrativo San Caetano, s/n, Santiago de Compostela, A Coruña).
Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
Presentación e apertura de proposicións: as ofertas deberán presentarse no Rexistro Xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 28 de agosto de 1997.
A apertura de proposicións terá lugar en acto público ás 13 horas do día 4 de setembro de 1997, na sala B de reunións da Consellería de Presidencia e Administración Pública, sita no semisoto do edificio central de San Caetano, Santiago de Compostela.
Gastos de publicación: serán por conta dos adxudicatarios.
Santiago de Compostela, 15 de xullo de 1997.
P.D. (Orde 13-12-1993, DOG nº 239, 14-12-1993)
Antonio L. Rosón Pérez
Secretario xeral da Consellería de Agricultura,
Gandería e Montes
5796