Aprobado inicialmente en Comisión de Goberno do concello do Grove, do 17 de abril deste ano, o estudio de detalle do plan parcial da Illa da Toxa, que foi presentado para a súa aprobación ante este concello por iniciativa particular de Luis Moyano Quiroga, en representación de Inmobiliaria La Toja, S.A.
De conformidade co establecido no artigo 44.3º da Lei 1/1997, do 24 de marzo, do solo de Galicia, sométese a información pública o citado estudio de detalle durante un mes, contado desde a publicación deste anuncio; atoparase o expediente á disposición dos interesados nas oficinas de secretaría do concello para o seu exame.
Así mesmo, efectúase por medio do presente anuncio notificación a aqueles propietarios de terreos afectados descoñecidos ou que intentada a notificación non se puido practicar, nos termos do artigo 42.6º da Lei 1/1997, do 24 de marzo.
O Grove, 25 de xuño de 1997.
O alcalde
Rubricado