O Concello de Ames (A Coruña), en sesión celebrada o día 28 de novembro de 1995, acordou aproba-lo proxecto de apertura da travesía da rúa Lapido en Bertamiráns (Ames).

En acordo adoptado polo Consello da Xunta de Galicia o día 29 de maio de 1997, declárase de urxencia, para efectos de aplicación do procedemento que regula o artigo 52 da vixente Lei de expropiación forzosa do 16 de decembro de 1954, a ocupación de bens e dereitos afectados polo referido proxecto.

Para tal efecto convócase ós propietarios e titulares de bens e dereitos afectados que figuran ó pé deste escrito, para que comparezan na Casa do Concello o décimo sexto día hábil posterior ó da última publicación nos medios obrigatorios, e, se este fora sábado, o día hábil inmediatamente posterior, das 10 ás 11 horas, co fin de proceder ó levantamento de actas previas á ocupación deles, en que se recollerán os datos necesarios para a determinación dos dereitos afectados, os seus titulares e o valor daqueles, sen prexuízo de se trasladaren ó lugar dos predios se o considerasen necesario.

Ó devandito acto deberán acudi-los titulares afectados persoalmente ou ben representados por persoa debidamente autorizada para actuar no seu nome, achegando os documentos acreditativos da súa titularidade, documento nacional de identidade e o último recibo da contribución, podendo acompañarse

pola súa conta, se o estimaren oportuno, dos seus peritos e un notario.

Tendo en conta estes antecedentes e en cumprimento do establecido no artigo 17, parágrafo 2º da Lei de expropiación forzosa, ábrese a información pública ata o momento do levantamento da acta previa á ocupación correspondente, co fin de que os interesados poidan formular por escrito ante este concello as alegacións que coiden pertinentes, co obxecto de emendar posibles erros que se producisen ó relaciona-los propietarios afectados.

Ames, 11 de xullo de 1997.

José Astray Lorenzo

Alcalde-presidente

Relación de titulares afectados

-Mª Rosa Álvarez Agrelo.

5678