A Dirección Xeral de Patrimonio Histórico e Documental, por Resolución do 12 de setembro de 1995, (Diario Oficial de Galicia do 4 de outubro) incoou expediente de declaración de ben de interese cultural con categoría de zona arqueolóxica, a favor do depósito paleolítico das gándaras de Budiño, no concello de Porriño, provincia de Pontevedra.
A tramitación do expediente levouse a cabo de acordo co establecido na Lei 8/1995, do 30 de outubro, do patrimonio cultural de Galicia, (Diario Oficial de Galicia do 8 de novembro) e demais disposicións vixentes.
Tendo en conta o disposto no artigo 12 da Lei 8/1995, do 30 de outubro, por proposta do conselleiro de Cultura e Comunicación Social e logo de deliberación do Consello da Xunta de Galicia na súa reunión do día vintenove de maio de mil novecentos noventa e sete,
DISPOÑO:
Primeiro.-Declarar ben de interese cultural con categoría de zona arqueolóxica, a favor do depósito paleolítico das gándaras de Budiño, no concello do Porriño, provincia de Pontevedra.
Segundo.-A zona afectada pola declaración é a comprendida na delimitación que consta no anexo I e no plano do anexo II.
Terceiro.-O presente decreto será notificado ós interesados, ó concello, ó Rexistro Xeral de Bens de Interese Cultural do Estado e ó Rexistro de Bens de Interese Cultural de Galicia.
Cuarto.-O presente decreto publicarase no Diario Oficial de Galicia e no Boletín Oficial del Estado.
Disposición derradeira
O presente decreto entrará en vigor o día seguinte ó da súa publicación no Diario Oficial de Galicia.
Santiago de Compostela, vintenove de maio de mil novecentos noventa e sete.
Manuel Fraga Iribarne
Presidente
Jesús Pérez Varela
Conselleiro de Cultura e Comunicación Social
ANEXO I
Puntos de referencia Coor. U.T.M.: X Coor. U.T.M.:X
Punto 1 531.510 4.662.074 Punto 2 531.566 4.662.074 Punto 3 531.566 4.661.949 Punto 4 531.518 4.661.976 Punto 5 531.516 4.661.960 Punto 6 531.608 4.661.933 Punto 7 531.612 4.661.856 Punto 8 531.524 4.661.836
5480
