Aprobación definitiva da modificación puntual das normas subsidiarias do concello das Pontes de García Rodríguez.

O Concello Pleno, en sesión extraordinaria e urxente celebrada o día 2 de xullo de 1997, aprobou

definitivamente a modificación puntual das normas subsidiarias do concello das Pontes de García Rodríguez, consistente na modificación do trazado dun vial entre o cruce de Vilavella e A Casilla, en terreos de Endesa.

A eficacia do acto de aprobación definitiva da presente modificación e a súa entrada en vigor queda condicionada á comunicación deste acordo á Consellería de Política Territorial, Obras Públicas e Vivenda, e á recepción da copia compulsada do expediente completo e da demais documentación especificada no artigo 48.3º da Lei 1/1997, do 24 de marzo, do solo de Galicia, así como á publicación das súas normas e ordenanzas conforme o disposto na lexislación de réxime local.

Contra o presente acordo, que é definitivo en vía administrativa, poderase interpo-lo recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses a partir do día seguinte ó da publicación do presente anuncio. A interposición deste recurso requirirá a comunicación previa a esta corporación.

Así mesmo, poderase interpoñer calquera outro que se considere pertinente.

O que se fai público en cumprimento do disposto no artigo 48 da Lei 1/1997, do 24 de marzo, do solo de Galicia.

As Pontes de García Rodríguez, 7 de xullo de 1997.

Vicente López Pena

Alcalde-presidente

5495