Vista a solicitude presentada por Félix Bedoya López en representación da empresa Fondo Formación e a documentación anexa, na que solicita que lle sexa concedida a cualificación de entidade recoñecida para impartir cursos de instaladores de gas grupo IG-I, IG-II e IG-IV.
Vista a Orde do 17 de decembro de 1985, pola que se aproban a instrucción sobre documentación e posta en servicio das instalacións receptoras de gas combustible e a instrucción sobre instaladores autorizados de gas a empresas instaladoras (BOE do 9-1-1986).
Ó considerar que se cumpriron os requisitos regulamentarios establecidos, esta Dirección Xeral de Industria,
RESOLVE:
Outorgarlle a Fondo Formación a cualificación de entidade recoñecida para imparti-los cursos de formación de instaladores de gas, de conformidade co establecido no capítulo III da Orde do 17 de decembro de 1985, en todo o territorio da Comunidade Autónoma de Galicia.
Para imparti-los cursos presentará perante a Delegación Provincial de Industria e Comercio da provincia correspondente, fotocopia da presente resolución, táboa de tarefas e programación de cursos previstos.
Para efectos estatísticos e de control presentará nas delegacións provinciais de Industria e Comercio onde exerza a súa actividade, unha memoria anual de actuacións e nesta dirección xeral un resumo delas na Comunidade Autónoma.
Esta autorización deberase renovar ós dous anos, para o que acreditará perante esta Dirección Xeral de Industria e Comercio o cumprimento dos requisitos esixidos na autorización inicial.
Santiago de Compostela, 17 de xuño de 1997.
Joaquín del Moral Crespo
Director xeral de Industria
5146