De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 26 de novembro), notifícaselles ós interesados que se citan a continuación, dos que o último enderezo coñecido é o da vivenda obxecto de desafiuzamento, proposta de resolución de contrato outorgado entre o Instituto Galego da Vivenda e Solo e os adxudicatarios que se relacionan no anexo, unha vez probado o abandono da vivenda por parte do seu titular e o incumprimento das obrigas inherentes á cualidade de beneficiarios dunha vivenda de protección oficial de promoción pública.
Proposta.
A rescisión e resolución do contrato con base no anteriormente exposto entre o Instituto Galego da Vivenda e Solo e os adxudicatarios relacionados no anexo.
De acordo co artigo 142 do Regulamento de vivendas de protección oficial, concédeselles un prazo de 10 días, para a súa contestación por escrito, no que se formularán as alegacións e proporán as probas que consideren oportunas no seu descargo.
Pontevedra, 10 de xuño de 1997.
José Manuel Iglesias Carrera
Delegado provincial de Pontevedra
ANEXO
Nº expediente desafiuzamento: 23/96.
Adxudicatario: Julián Lareu Graña.
Enderezo: A Salgueira, 85, bloque 23-2º (Vigo).
Expediente construcción: PO-803.
Nº expediente desafiuzamento: 27/96.
Adxudicatario: Manuela Torrado Sánchez.
Enderezo: r/ Maceiras, 34, 114-1º H. Vigo.
Expediente construcción: PO-832.
5201