Por medio desta cédula notifícaselle á persoa xurídica cos datos persoais do seu representante e último domicilio social coñecido que se sinala no anexo que, respecto á petición de concesión de aproveitamento hidroeléctrico dun tramo de leito público de potencia nominal non superior a 5.000 kVA no río Eume do concurso que se tramita neste organismo autónomo Augas de Galicia coa clave mencionada, presentada no rexistro desta Administración polo seu representante, o seguinte:

O presidente de Augas de Galicia dictou o 23 de maio de 1997 resolución da cal a parte dispositiva se transcribe a continuación:

«Primeiro.-Declarar desistido a José Manuel Pisa Menéndez, representante de Ceyd Técnica, S.A., da concreta petición dunha concesión dun dereito ó uso privativo dun caudal de 31.300 l/s do río Eume no termo municipal de Monfero (A Coruña) para a instalación dun aproveitamento hidroeléctrico de potencia nominal non superior a 5.000 kVA denominado Central de Salto Baixo do Eume, como consecuencia da non presentación dentro do prazo e na forma fixada do preceptivo estudio de efectos ambientais esixido de conformidade coa normativa aplicable.

Segundo.-Autorizar, se é o caso, a cancelación do depósito, logo do requirimento do interesado, constituído polo importe do 1% do orzamento das obras que afectasen o dominio público hidráulico.

Terceiro.-Poñer á disposición do peticionario o proxecto e demais documentación presentada, para que se proceda á súa inmediata retirada no prazo de quince días naturais contados desde o seguinte ó día en que esta resolución sexa firme, xa que, no caso contrario, este organismo entenderá a súa falta de interese por ela e destinaraa ós fins que considere máis oportunos.

Cuarto.-Declarar e ordena-lo remate da tramitación relativa á concreta petición formulada por Ceyd Técnica, S.A., a través do seu representante, dunha concesión hidroeléctrica con potencia nominal non superior a 5.000 kVA no río Eume para tódolos efectos que correspondan e o arquivo das actuacións e trámites realizados en relación a esta.

Quinto.-Dispoñe-la notificación do contido desta resolución ó peticionario con expresión dos recursos que legalmente procedan».

Resolución que lle notifico, por orde do presidente de Augas de Galicia e en cumprimento do artigo 58.1º da Lei 30/1992, do 26 de novembro, de réxime xurídico das administracións públicas e do procedemento administrativo común, indicándolle que contra esta, que esgota a vía administrativa -como dispón a Lei 8/1993, do 23 de xuño, de Galicia- e que é inmediatamente executiva, poderá interpoñerse recurso contencioso-administrativo perante a Sala do Contencioso Administrativo do Tribunal Superior de Xustiza de Galicia no prazo de dous meses a partir do día seguinte ó da recepción desta notificación, e isto sen prexuízo de que poida exercer, se é o caso, calquera outro recurso que coide procedente.

Ó mesmo tempo, recórdolle que debe comunicarlle previamente a este ente autónomo autor do acto a mencionada interposición, de acordo co artigo 110.3 da Lei 30/1992, do 26 de novembro.

Para que conste e lle sirva de notificación ó dito interesado, de conformidade co disposto no artigo 59.4 da Lei 30/1992, do 26 de novembro, expido, asino e selo esta cédula en Santiago de Compostela o 18 de xuño de 1997.

Agustín Hdez. Fdez. de Rojas

Xefe do Departamento de Xestión do Dominio Público Hidráulico Augas de Galicia

ANEXO

-Nº de concurso: DH.A15.1193 (13.101.5).

Interesado: Ceyd Técnica, S.A.

Representante: José Manuel Pisa Menéndez con DNI 10.591.121.

Enderezo social: r/ Covadonga, 5-1ºB, 33002 Oviedo.

5224