En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación Gallega de Empresarios de Residencias de Mayores que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación os empresarios persoas físicas ou xurídicas, titulares de residencias, establecementos ou servicios dedicados á acollida, asistencia, tratamento e benestar de persoas con limitacións producidas pola idade.
Asinan a acta de constitución: Juan Antonio Moya Mateo, e dúas persoas máis.
Santiago de Compostela, 3 de xuño de 1997.
Juan Pedrosa Vicente
Director xeral de Relacións Laborais
5063