O Pleno deste Concello, en sesión celebrada o día 30 de novembro de 1995, acordou aprobar inicialmente o estudio de detalle na U.E. II-06 San Andrés de Comesaña, delimitada no PXOU de Vigo, conforme a documentación presentada por Alejandro Italiani Quicler, e redactado polos arquitectos Javier Pena e Luis Saez Silva, e visado polo COAG con data do 8 de febreiro de 1995, indicando que a parcelación que nel figura ten carácter indicativo, pendente de concretar no oportuno proxecto de compensación.
Cumprido o esixido polo Pleno, sométese a información pública polo prazo de quince días, mediante inserción de anuncios no DOG, BOP, un xornal dos de maior circulación da provincia e taboleiro da casa do concello.
Significando que o prazo de exposición ó público entenderase aberto desde a primeira publicación ata o remate do mes contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público, planta baixa da casa do concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 16 de maio de 1997.
Manuel Pérez Álvarez
Alcalde
4971