Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:
Solicitante: Unión Eléctrica-Fenosa, S.A.
Enderezo social: rúa Severo Ochoa, 2, A Grela, 15008 A Coruña.
Denominación: L.M.T. C.T.I. Torre e Matelo.
Situación: Vedra.
Descricións técnicas: L.M.T. aérea a 20 kV de 1.187 m de lonxitude, en conductor tipo LA-56, con orixe na L.M.T. denominada Saan Fiz de Sales-Nande e remate no C.T. que se vai construír, tipo aéreo en Torre-Matelo de 50 kVA a 20 kV B2. Concello de Vedra.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolve,
Autorizar, declarar de utilidade pública e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e as condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
A Coruña, 28 de maio de 1997.
Juan I. Lizaur Otero
Delegado provincial da Coruña
4670