Visto o expediente incoado pola empresa Unión Eléctrica-Fenosa, S.A. co enderezo na r/ Severo Ochoa, 2, A Coruña, para a autorización administrativa, declaración de utilidade pública e aprobación do proxecto de execución da instalación eléctrica que segue:
Liña eléctrica aéreo-subterránea de media tensión, a 20 kV, sobre apoios de madeira e de formigón ou baixo tubo, con orixe na liña Tambre II-Noia a Lousame no apoio número 17, e final no C.T. que se vai instalar en Seoane, cos seguintes tramos:
-De 352 m de lonxitude e con conductor de Cu de 10 mm sobre apoios de madeira entroncando no apoio número 17.
-De 120 m de lonxitude e conductor de Al-95 mm, subterránea e baixo tubo.
-De 986 m de lonxitude e con apoios metálicos e de formigón desde a subterránea o C.T. de Seoane.
-Centro de transformación aéreo sobre apoio metálico, de 50 kVA e tensións de 20/0,380-0,220 kV en Seoane, con rede de baixa tensión sobre apoios de formigón e conductor R.Z. de 556 m de lonxitude (Lousame).
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
A Coruña, 19 de maio de 1997.
Juan Ignacio Lizaur Otero
Delegado provincial da Coruña
4668