A Consellería de Cultura e Comunicación Social, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, trámite de urxencia, as contratacións seguintes:
-Amoblamento de bibliotecas públicas municipais en Ribadeo, Taboada (Lugo) e Baiona, O Porriño (Pontevedra):
Orzamento de licitación: cinco millóns catrocentas sesenta e seis mil setecentas setenta pesetas (5.466.770 ptas). IVE incluído.
Prazo de execución: un (1) mes.
Fianza provisional: cento nove mil trescentas trinta e cinco pesetas (109.335 ptas.).
-Transporte de obras de arte da exposición Speculo humanae vitae:
Orzamento de licitación: oito millóns de pesetas (8.000.000 de ptas.) IVE incluído.
Prazo de execución: catro (4) meses.
Fianza provisional: non se esixe.
Exposicións dos pregos: os pregos de prescricións técnicas e os pregos de cláusulas administrativas estarán de manifiesto no Servicio de Obras e Contratación da Consellería de Cultura e Comunicación Social e nas delegacións provinciais durante o prazo de presentación de proposicións, de 10 a 14 horas, e no teléfono (981) 58 89 38.
Prazo de presentación de proposicións: será de 13 días naturais contados a partir do día seguinte o da publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo , haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura e Comunicación Social.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso será por conta dos adxudicatarios.
Santiago de Compostela, 18 de xuño de 1997.
José Mª. Sánchez González
Secretario xeral da Consellería de Cultura
e Comunicación Social
5052