O artigo 5.2º do Decreto 442/1990, de avaliación do impacto ambiental para Galicia (DOG 188, do 25-9-1990), dispón que os estudios de impacto ambiental se someteran ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter á información pública, por un prazo de trinta días hábiles, contados a partir do día seguinte ó da publicación da presente resolución, o estudio de impacto ambiental e plan de restauración da solicitude da canteira denominada Troitiño, situada no concello de Castroverde, provincia de Lugo, e solicitado por Ángel Troitiño Crecente.
Para os efectos informativos porase á disposición dos administrados que o soliciten un exemplar deste para consulta nas oficinas desta dirección xeral e as alegacións formularanse durante o prazo sinalado nas mesmas oficinas.
Santiago de Compostela, 14 de maio de 1997.
Joaquín del Moral Crespo
Director xeral de Industria
4662