O Pleno deste Concello, en sesión extraordinaria celebrada o día 15 de maio de 1997, co quórum da maioría absoluta do número legal dos membros da corporación, adoptou o seguinte acordo:
1º Aprobar definitivamente as modificacións puntuais nº 1, 3, 5 e 6 das normas subsidiarias de planeamento de Burela, tendo como obxectivos os seguintes:
-M1: definición do trazado do paseo marítimo de Burela.
-M3: reaxuste de aliñacións na interxección circunvalación-rúa do Portelo.
-M5: axuste de cualificacións na zona da Casa do Concello.
-M6: sinalamento dun novo vial na travesía do Porto.
2º Publica-lo acordo de aprobación definitiva no BOP e no Diario Oficial de Galicia, publicando igual
mente no BOP o documento que conteña a normativa e ordenanzas de acordo co disposto no artigo 48 da Lei 1/1997, do 24 de marzo, do solo de Galicia.
3º Dar traslado do presente acordo á Consellería de Política Territorial, Obras Públicas e Vivenda, xuntando copia autenticada do expediente administrativo completo e dous exemplares das modificacións aprobadas, con tódolos planos e documentos que integran o proxecto, debidamente dilixenciados.
O que se fai público para xeral coñecemento e efectos, en cumprimento do disposto no artigo 48 da Lei 1/1997, do 24 de marzo, do solo de Galicia, e artigo 8.d) da Lei 7/1995, do 29 de xuño, da delegación e distribución de competencias en materia de urbanismo.
Contra o dito acordo, que é definitivo en vía administrativa, poderase interpoñer no prazo de dous meses contados desde a súa publicación, recurso contencioso-administrativo perante o Tribunal Superior de Xustiza de Galicia, logo de llo comunicar ó órgano que dictou o acto, conforme o disposto no artigo 110.3º da Lei 30/1992, do 26 de novembro, sen prexuízo da posibilidade de interpoñer calquera outro recurso que considere pertinente.
Burela, 4 de xuño de 1997.
Manuel Mon Rouco
Alcalde
4647