De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ás persoas que no anexo se mencionan, que con esta data resolvín publica-lo acordo de iniciación do procedemento sancionador por infracción da Lei 7/1992, do 24 de xullo, de pesca fluvial de Galicia (DOG nº 151, do 5 de agosto de 1992), por non ser posible a notificación a través do servicio de correos.

Noméase instructora deste procedemento a Paloma Quiroga López, funcionaria da delegación provincial, a cal pode ser recusada en calquera momento do expediente de concorren os supostos legais.

Os interesados disporán dun prazo de quince días, contados a partir do seguinte ó da publicación desta notificación, para presentar, por escrito, cantas alegacións, documentos, informacións ou propostas de probas consideren convenientes en defensa dos seus dereitos.

Conforme o establecido no artigo 13.2 do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario porá fin ó expediente. Para efectualo, deberá emprega-los impresos normalizados que lle serán facilitados na Delegación Provincial de Lugo, Ronda da Muralla, 197.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobada polo Real decreto 1398/1993, do 4 de agosto (BOE nº 189, do 9 de agosto de 1993).

Lugo, 26 de maio de 1997.

José Ramón Molinero Senovilla

Delegado territorial de Lugo

ANEXO

-Expediente nº: P-53/97.

Denunciado: Avelino Pérez Álvarez (DNI 33.803.978).

Último enderezo coñecido: r/ Principado,9, Las Vegas-Corvera-Asturias.

Feitos imputados: non respecta-las limitacións de tamaño fixadas pola Orde 17-2-1997 (DOG 26-2-1997) da Consellería de Agricultura, Gandería e Montes, ó ter capturado 3 troitas de tamaño inferior (18 cm); o día 23-3-1997 no río Lama-A Fonsagrada.

Precepto sancionador: artigo 33.9 da Lei 7/1992.

Calificación infracción: leve.

Sanción: 10.000 pesetas de multa e 9.000 ptas. de indemnización por danos e perdas.

-Expediente nº: P-62/97.

Denunciado: Jesús Jaime Alonso Rodríguez (DNI 46.335.050).

Último enderezo coñecido: c/ San Francisco, 17-baixo, Ourense.

Feitos imputados: pescar sen estar en posesión da preceptiva licencia de pesca; o día 21-3-1997, no río Miño, encoro de Belesar (lugar de Sabadelle, marxe dereita), Chantada-Lugo.

Precepto sancionador: 34.1 da Lei de pesca.

Calificación infracción: menos grave.

Sanción: 50.001 pesetas de multa.

Inhabilitación para obte-la licencia de pesca por un ano.

4397