Cumpridos os trámites regulamentarios no correspondente expediente administrativo, o Instituto Galego da Vivenda e Solo anuncia a seguinte contratación polo sistema de concurso aberto.
Obxecto: adquisición de 400 vivendas en fase de proxecto en tódolos concellos da Comunidade Autónoma de Galicia.
Orzamento: catro mil millóns de pesetas (4.000.000.000).
Sistema de adxudicación: concurso aberto.
Prazo de execución: vinteoito (28) meses.
Garantía provisional: o 2% do orzamento de licitación.
De conformidade co establecido no artigo 36.2 da Lei 13/1995, do 18 de maio, de contratos das administracións públicas, cando o ofertante execute en por si as obras, dispénsase de presenta-la garantía provisional a tódolos promotores-contratistas que acrediten a clasificación requirida para o tipo de obra e orzamento que se vai executar, sempre que o importe deste último non exceda do límite sinalado no antedito artigo.
Documentación de interese para os licitadores: os pregos de cláusulas administrativas particulares e de prescricións técnicas que rexerán nesta contratación estarán de manifesto e á disposición dos interesados para o seu exame durante o prazo de presentación de proposicións, no rexistro da sede dos servicios centrais do IGVS (polígono das Fontiñas, Área Central, s/n, Santiago de Compostela), desde as nove (9) ás catorce (14) horas, de luns a venres.
Modelo de proposicións: a proposición económica deberá formularse estrictamente conforme o modelo que se xunta no anexo I do prego de claúsulas administrativas particulares.
Prazo de presentación de proposicións: as proposicións presentaranse no antedito rexistro antes das 14 horas do día vintenove (29) de agosto de 1997.
Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas da sede dos servicios centrais do IGVS, ás nove (9) horas do día oito (8) de setembro de 1997.
Documentos que deben achega-los licitadores: serán os indicados na cláusula sétima do prego de cláusulas administrativas particulares.
Anuncio: o importe dos anuncios da licitación será por conta dos adxudicatarios.
Santiago de Compostela, 6 de xuño de 1997.
José A. Redondo López
Director xeral do Instituto Galego da Vivenda
e Solo
4316
