En sesión conxunta celebrada o día 9 de xuño de 1997 polos tribunais números 1, 2, 3, 4 e 5 designados para xulga-lo proceso selectivo para o ingreso no corpo da Administración da Xunta de Galicia (grupo C) convocado por Orde do 26 de decembro de 1995 (DOG número 9, do 12 de xaneiro de 1996), e de conformidade co disposto nas bases da convocatoria, acordouse:

1. Elevar a definitivas as puntuacións obtidas na fase de concurso, unha vez resoltas as reclamacións presentadas polos interesados.

2. Publica-las ditas puntuacións que se atopan expostas nos taboleiros de anuncios da Consellería da Presidencia e Administración Pública, nos das súas delegacións provinciais, na Delegación Territorial da Consellería de Pesca, Marisqueo e Acuicultura en Vigo e nas oficinas comarcais da Xunta de Galicia.

Contra este acordo os interesados poderán interpoñer recurso ordinario perante o conselleiro da Presidencia e Administración Pública no prazo dun mes a partir da súa publicación no Diario Oficial de Galicia.

Santiago de Compostela, 9 de xuño de 1997.

Jaime Bouzada RomeroManuel Silva Romero

Presidente do tribunal nº 1Presidente do tribunal nº 2

José Antonio Fdez. VázquezMª Teresa Rey Barreiro-Meiro

Presidente do tribunal nº 3Presidenta do tribunal nº 4

Emilio Álvarez Rey

Presidente do tribunal nº 5

97-4497