A Comisión Galega de Medioambiente na súa reunión do 13 de marzo de 1997 cualificou o devandito proxecto como suxeito á tramitación de avaliación de impacto ambiental, establecida polo Decreto 442/1990, do 13 de setembro, de avaliación do impacto ambiental para Galicia (DOG número 188, do 25-9). Conforme o establecido no artigo 5.2º do devandito decreto, o órgano substantivo someterá o estudio de impacto ambiental ó trámite de infor
mación pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Primeiro.-Someter a información pública, por un prazo de trinta días hábiles, contados a partir do día seguinte ó da publicación da presente resolución, o estudio de impacto ambiental da planta de reciclado, tratamento e elaboración de CDR, planta de coxeración e planta termoeléctrica para tratamento de residuos sólidos urbanos, no concello de Cerceda (A Coruña), promovido pola Sociedade Galega do Medio Ambiente (Sogama, S.A.).
Segundo.-Para os efectos informativos porase a disposición dos administrados que o soliciten un exemplar do devandito estudio para consulta nas dependencias:
* Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda en Santiago de Compostela.
* Delegación da Consellería de Política Territorial, Obras Públicas e Vivenda da Coruña.
* Concello de Cerceda.
Terceiro.-As alegacións dirixidas ó conselleiro de Política Territorial, Obras Públicas e Vivenda, formularanse durante o prazo sinalado de trinta días e serán presentadas en calquera das oficinas que establece o artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 11 de xuño de 1997.
P.D. (Orde 13-12-1993)
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda
4229