Para os efectos de darlle cumprimento ó solicitado polo presidente da Sala do Contencioso-Administrativo do Tribunal Superior de Xustiza de Galicia, en relación cos recursos contencioso-administrativos 03/0008032/1997 e 03/0008037/1997 interpostos polo Consello Galego de Enxeñeiros Técnicos Industriais e polo Colexio Oficial de Enxeñeiros Industriais de Galicia, respectivamente, e en virtude do disposto no artigo 64.1º da vixente Lei reguladora da xurisdicción contencioso-administrativa, modificada pola Lei 10/1992, do 30 de abril, esta consellería resolveu o día 2 de xuño de 1997 ordena-la remisión do expediente administrativo ó dito tribunal.
O que se notifica para xeral coñecemento de tódalas persoas a favor das cales derivasen dereitos da orde impugnada e das que tivesen interese directo no mantemento dela, que son emprazadas para que comparezan en forma legal en autos ante a referida sala, no prazo de nove días seguintes á publicación desta resolución, segundo dispón o devandito precepto.
Santiago de Compostela, 2 de xuño de 1997.
Manuel Barreiro Barbeito
Secretario xeral da Consellería de Industria
e Comercio
4452