Examinado o expediente incoado pola titularidade do centro privado concertado Nuestra Señora de Lourdes da Estrada (Pontevedra), no que solicita a ampliación de dúas unidades do segundo ciclo de educación infantil.
Ó resultar que o expediente foi tramitado pola Delegación Provincial de Educación e Ordenación Universitaria de Pontevedra que o envía cos informes emitidos pola Inspección de Educación e pola Unidade Técnica.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4), o Real decreto 1004/1991, do 14 de xuño (BOE do 26), a disposición derradeira primeira do Decreto 133/1995, do 10 de maio (DOG do 22), a Orde do
20 de setembro de 1995 (DOG do 15 de decembro), polo que se desenvolve o antedito decreto.
Ó considerar que o devandito centro privado ten autorización ou clasificación definitiva para impartir educación preescolar.
Ó considerar que o Real decreto 1004/1991 establece, na súa disposición transitoria terceira, que os centros privados que teñan autorización ou clasificación definitiva para imparti-la educación preescolar, na entrada en vixencia deste real decreto, se entenden autorizados para poder imparti-lo segundo ciclo de educación infantil, suposto que se dá no centro solicitante.
Esta dirección xeral resolveu:
Autorizarlle a ampliación de dúas unidades do segundo ciclo de educación infantil ó centro privado que se relaciona no anexo da presente resolución, facendo constar que, para a posta en funcionamento desta, a titulación do profesorado deberá axustarse ó establecido no Real decreto 1004/1991.
Santiago de Compostela, 22 de maio de 1997.
Severino Somoza Gómez
Director xeral de Centros e Inspección Educativa
ANEXO
Provincia de Pontevedra.
Concello: A Estrada.
Localidade: A Estrada.
Enderezo: O Cruceiro, 32.
Denominación: Nuestra Señora de Lourdes.
Titular: J. Enrique Otero Fernánez.
Nivel: educación infantil-2º ciclo.
Unidades de que constaba: 1.
Unidades novas autorizadas: 2.
Total de unidades autorizadas: 3.
Composición resultante:
Centro de educación infantil: 3 unidades.
Centro de educación primaria: 6 unidades.
4295
