Por Orde do 22 de outubro de 1996 (DOG do 13 de novembro) convocáronse axudas económicas para a realización de prácticas en empresas para alumnos/as que cursan ensinanzas de formación profesional de segundo grao, módulos, ciclos formativos, ensinanzas de artes aplicadas e oficios artísticos e programas de garantía social.
Ó ser necesario incrementa-la contía total das axudas con motivo da implantación de novos ciclos formativos de grao medio e superior que implican que un maior número de alumnos realice prácticas de formación en empresas, esta consellería,
DISPÓN:
Artigo único.-Modifica-lo artigo cuarto da citada orde, na páxina 10.195, onde di: «Para o gasto que se proxecta, habilitarase o crédito adecuado e suficiente na partida 07.04.322S.482.0 dos orzamentos xerais da Comunidade Autónoma de Galicia para o ano 1997 e en ningún caso a totalidade desta superará os 250.000.000 de pesetas»; polo seguinte texto: «Para o gasto que se proxecta, habilitarase o crédito adecuado e suficiente na partida 07.04.322S.482.0 dos orzamentos xerais da Comunidade Autónoma de Galicia para o ano 1997 e en ningún caso a totalidade desta superará os 284.971.620 de pesetas».
Santiago de Compostela, 22 de maio de 1997.
Celso Currás Fernández
Conselleiro de Educación e Ordenación
Universitaria
97-4261