O artigo 28 do vixente Estatuto de autonomía de Galicia establece no seu apartado 2º a competencia da Comunidade Autónoma galega no desenvolvemento lexislativo en materia de expropiación forzosa.

As obras sinaladas no encabezamento da presente resolución encóntranse incluídas no programa de obras para realizar con cargo ó programa orzamentario 413B, denominado «Construcción, conservación e explotación de estradas».

Por resolución da Dirección Xeral de Obras Públicas da Consellería de Política Territorial, Obras Públicas e Vivenda da Xunta de Galicia, con data 1 de abril de 1997 aprobouse o proxecto das obras

de alargamento e mellora da estrada C-630, treito Baleira-A Lastra, clave: N/LU/87.2.1.1.

O Consello da Xunta de Galicia polo Decreto 95/1997, do 17 de abril, acordou declara-la utilidade pública das mencionadas obras, e así mesmo, a urxente ocupación dos bens e dereitos afectados por estas para efectos da aplicación do procedemento que regula o artigo 52 da vixente Lei de expropiación forzosa do 16 de decembro de 1954.

Na súa virtude e en cumprimento do disposto nos artigos 52 da vixente Lei de expropiación forzosa, do 16 de decembro de 1954, 56 e seguintes do regulamento para a súa aplicación, esta xefatura, no uso das facultades que lle confire o artigo 98 da mencionada lei, resolveu convoca-los titulares de bens e dereitos afectados que figuran nas relacións expostas no taboleiro de anuncios do concello de Baleira para que comparezan no lugar, datas e horas que se detallan a continuación, co fin de proceder ó levantamento de actas previas para determina-los dereitos afectados, o valor destes e os prexuízos determinantes da rápida ocupación, sen prexuízo de trasladarse o lugar dos predios, de consideralo necesario.

Concello de Baleira:

Lugar: o levantamento de actas será na Casa do Concello de Baleira.

Día: 17 de xuño de 1997, de 10.30 a 13.30 horas. Titulares con apelidos desde Abraira López ata Fernández López.

Día: 18 de xuño de 1997, de 10.30 a 13.30 horas. Titulares con apelidos dende Fernández Pereira ata Trabada Trabada.

Ó devandito acto deberán acudi-los titulares afectados persoalmente ou ben representados por persoa debidamente autorizada para actuar no seu nome, aportando os documentos acreditativos da súa titularidade, documento nacional de identidade e o último recibo da contribución, podendo acompañarse, pola súa costa, se o estimaren oportuno, dos seus peritos e notario.

Así mesmo, e en cumprimento do establecido no artigo 56 do regulamento da Lei de expropiación forzosa, ábrese a información pública durante un prazo de quince (15) días naturais, contados a partir do seguinte ó da publicación no Boletín Oficial del Estado o ata o momento do levantamento da acta previa á ocupación correspondente, co fin de que os interesados poidan formular por escrito ante esta Xefatura Provincial de Estradas da Xunta de Galicia en Lugo, sita na Ronda da Muralla, 131, as alegacións que coiden pertinentes co obxecto de emendar posibles erros que se producisen ó relaciona-los bens afectados pola urxente ocupación.

Lugo, 21 de maio de 1997.

José Antonio Cobreros Aranguren

Enxeñeiro xefe Provincial de Estradas de Lugo

4194