Para os efectos de darlle cumprimento ó solicitado polo presidente da Sala do Contencioso-Administrativo do Tribunal Superior de Xustiza de Galicia, en relación co recurso contencioso-administrativo número 02/0004930/97, interposto por Proyectos Atlas, S.L. e Proyectos Contratas Sol, S.L. Unión Temporal Empresas-Riomayor UTE, contra desestimación presunta da Consellería de Cultura e Comunicación Social da reclamación de cantidade formulada o 9-10-1996 por importe de 19.127.500 ptas., mailos xuros legais, esta consellería resolveu ordenarlle a remisión do expediente administrativo ó dito tribunal.

O que se notifica para xeral coñecemento de tódalas persoas interesadas no procedemento e son emprazadas para que poidan comparecer nos autos (mediante procurador con asistencia de letrado ou valéndose tan só de avogado con poder para o efecto) na Sala do Contencioso-Administrativo do Tribunal Superior de Xustiza de Galicia no prazo de nove días, segundo dispón o artigo 64 da Lei da xurisdicción contencioso-administrativa, reformada pola Lei 10/1992, do 30 de abril.

Santiago de Compostela, 21 de maio de 1997.

José Mª Sánchez González

Secretario xeral da Consellería de Cultura

e Comunicación Social

4197