O Pleno do Concello, en sesión celebrada o día 28 de febreiro de 1997, acordou a programación do SUNP D-38-R, sito no Seixo-Liáns. Así mesmo acordou retifica-lo convenio subscrito o pasado día 18-2-1997 entre a alcaldesa-presidenta e Grajal, S.A., cara á formulación dun PAU dentro do ámbito do devandito solo, aprobando deste xeito, as condicións de programación e o ámbito para programar.

Contra este acordo, que lle pon fin á vía administrativa, poderá interpor recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses a partir do día seguinte a aquel no que reciba a presente notificación. De interpoñelo, advírteselle que o artigo 110.3 da lei require a comunicación previa ó órgano que dictou o acto impugnado. Tamén poderá interpo-lo recurso extraordinario de revisión cando concorra algunha das circunstancias previstas no artigo 118 da Lei 30/1992, do 26 de novembro, polo que se aproba o réxime xurídico das administracións públicas e do procedemento administrativo común, nos prazos establecidos no apartado 2 do mesmo artigo 118. Todo isto sen prexuízo do dereito dos interesados para formularen a solicitude e a instancia ás que se refiren os artigos 102.1 e 105.2 da citada lei.

Oleiros, 2 de abril de 1997.

Esther Pita Pita

Alcaldesa-presidenta

3318