Modificación puntual primeira do Plan parcial do polígono industrial de Castro Riberas de Lea.
A Corporación Municipal en Pleno, na sesión ordinaria celebrada o día dez de marzo deste ano de 1997, á vista do informe favorable do delegado provincial da Consellería de Política Territorial, Obras Públicas e Vivenda, emitido de conformidade co previsto no artigo 7 da Lei 7/1995, do 29 de xuño, acordou a aprobación definitiva da modificación puntual primeira do Plan parcial do polígono industrial de Castro Riberas de Lea, tramitada por instancia de Xestur-Lugo, S.A.
O que se publica en cumprimento do disposto no artigo 8 da citada Lei 7/1995.
Contra o dito acordo, adoptado en virtude da delegación de competencias conferida no artigo 2 da devandita Lei 7/1995, do 29 de xuño, poderase interpoñer recurso contencioso-administrativo, de conformidade co disposto no artigo 306 do texto refundido da Lei sobre réxime do solo e ordenación urbana (R.D.L. 1/1992), ante a sala da dita xurisdicción do Tribunal Superior de Xustiza de Galicia, no prazo de dous meses contados desde o día seguinte ó da publicación deste anuncio no Diario Oficial de Galicia, a teor do disposto no artigo 58.3.b) da Lei do 27 de decembro de 1956, da xurisdicción contencioso-administrativa.
Castro de Rei, 11 de abril de 1997.
Arturo Pereiro Vilariño
Alcalde
3937