Visto o expediente para outorgamento de autorización administrativa e aprobación do proxecto de execución da instalación eléctrica que se cita:
Solicitante: Sestelo y Cía., S.A.
Enderezo social: Gabino Bugallal, 44, 36860 Ponteareas.
Denominación: L.M.T. e ampliación e reforma C.T. Herreros- r/ Gabino Bugallal.
Situación: Ponteareas.
Descricións técnicas: L.M.T., subterránea, a 15 kV, de 250 m de lonxitude, con conductor tipo R.H.V., desde o centro de distribución San Roque ata o C.T. que se ten que reformar chamado Herreros, concello de Ponteareas, C.T. de 630 kVA, relación de transformación 20 kV-220/380 V.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade esta
blecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Pontevedra, 16 de maio de 1997.
Ramón Álvarez Abad
Delegado provincial de Pontevedra
4011