O conselleiro de Política Territorial, Obras Públicas e Vivenda, por Orde do 1 de abril de 1997, resolveu outorgar, con carácter definitivo, á empresa Autos Arcade, S.L., a concesión do servicio público regular permanente de uso xeral de transporte de viaxeiros por estrada entre Pazos de Borbén e Pontevedra, con anexos: V-0453; XG-027, por substitución da concesión V-0453; XG-027, entre As Neves e Pontevedra, con anexos, de acordo, entre outras, coas seguintes condicións particulares:
I. Itinerarios e puntos de parada.
* Pazos de Borbén, Amoedo, Soutomaior (Castelo), empalme A Mela, empalme de Alxán, Salgueirón (Emp. PO-7201/PO-244), Arcade, Pontesampaio, Vilaboa e Pontevedra.
* Empalme A Mela, Rial, Val, Sobral, Romariz, Soutomaior, Montesiña e Salgueirón (Emp. PO-7201/PO-244).
* Empalme de Alxán, Alxán e O Viso.
II. Prohibicións de tráfico.
* De e entre Pontevedra e Arcade, puntos intermedios e viceversa.
* De e entre Arcade e Sobral, puntos intermedios e viceversa.
* De e entre Amoedo e Pazos de Borbén, puntos intermedios e viceversa.
* De e entre castelo de Soutomaior e empalme da estrada PO-7105 coa PO-7202 en O Viso, puntos intermedios e viceversa.
III. Expedicións e calendario.
Pazos de Borbén-Pontevedra (27,0 km).
* Unha expedición de ida e volta de luns a venres laborables.
Castelo de Soutomaior-Pontevedra (15,5 km)
* Unha expedición de ida e volta de luns a venres laborables.
O Viso-Pontevedra por Almela, Rial e Montesiña (km).
* Unha expedición de ida e volta de luns a venres laborables.
IV. Tarifas.
Tarifa aplicable:
-Tarifa partícipe por viaxeiro/km: 9,9675 pesetas.
-Tarifa usuario: 10,6652 pesetas.
-Exceso de equipaxes e encargos: 1,4951 pesetas.
Contra a citada orde, definitiva en vía administrativa, cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día da súa publicación no Diario Oficial de Galicia.
Santiago de Compostela, 12 de maio de 1997.
Emilio García Gallego
Director xeral de Obras Públicas e Transportes
4169