Por resolución da Alcaldía, delegada para área de urbanismo de data 18 de abril do ano en curso adoptouse resolución do seguinte teor:
1. Aprobar inicialmente o proxecto de expropiación forzosa redactado polos servicios municipais para a expropiación do galpón anexo á casa número 20 da rúa Río Traba.
2. Optar, para a execución do citado proxecto, polo procedemento de taxación conxunta.
3. Somete-lo citado proxecto ó trámite de información pública polo termo dun mes, mediante a inserción dos correspondentes anuncios en prensa e diarios oficiais, así como remitir notificacións persoais a quen neste momento aparecen como interesados, nos termos que prevé o artigo 219.4º do texto refundido da Lei do solo, para que durante o dito prazo os interesados poidan consulta-lo proxecto de expropiación nas dependencias do Servicio de Urbanismo do Concello da Coruña, de luns a venres, de 12 a 13.30 horas, e presentar cantas
alegacións estimen oportunas para defende-los seus dereitos.
Alcaldía da cidade da Coruña, dezaoito de abril de mil novecentos noventa e sete.
Salvador Fernández Moreda
P.D.
Alcalde
3704