O Pleno da Corporación, en sesión do 14-4-1997, adoptou o seguinte acordo:

Primeiro.-Estima-lo informe subscrito polo Servicio Provincial de Costas do Ministerio de Medio Ambiente, comprensivo das suxestións e observacións determinadas pola vixente normativa reguladora de costas, en canto supoñen determinacións substantivas de obrigado cumprimento, de aplicación inmediata á utilización e aproveitamento do dominio público marítimo-terrestre e as súas servidumes e limitacións.

Segundo.-Desestima-las alegacións formuladas durante a fase de información pública do expediente de Modificación Puntual do PXOU, subscritas pola Delegación Provincial do Ministerio de Economía e Facenda, toda vez que este procedemento devén do exercicio de competencias urbanísticas atribuídas a esta Administración municipal como é a actividade planificadora e de ordenación municipal, sen prexuízo do control de legalidade outorgado á Administración autonómica ou á do Estado en virtude da lexislación sectorial que incida sobre o territorio.

Terceiro.-Prestar aprobación definitiva ó texto refundido do proxecto de modificación puntual do Plan Xeral de Ordenación Urbana no ámbito da Unidade de Actuación nº 22 e parque de Rosalía de Castro, nos termos resultantes das suxestións e observacións formuladas polo Servicio Provincial de Costas, dispoñendo a publicación do acordo de aprobación definitiva no Diario Oficial de Galicia e a das súas normas ou ordenanzas no BOP para efectos da súa executividade e eficacia.

Cuarto.-Remitir copia adverada do expediente administrativo completo e dous exemplares do documento aprobado definitivamente á Consellería de Política Territorial, Obras Públicas e Vivenda, e comunica-lo acordo de aprobación definitiva á Delegación do Goberno en Galicia, Servicio Provincial de Costas e Delegación de Facenda de Pontevedra ofrecéndolle-lo réxime de recursos procedentes.

Quinto.-Pór á disposición da Xunta de Galicia os terreos necesarios para os accesos e ramplas do Pazo de Exposicións, Congresos e Auditorio e para a execución das obras do Pavillón Feiral e o seu contorno, os que resultan aptos para a execución das obras proxectadas en cumprimento do acordado na sesión plenaria do 17-1-1997.

O que se fai público para a súa executividade, subliñándose que contra este acordo, que esgota a vía administrativa, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo

da comunicación ó órgano que dictou o acto impugnado, e isto sen prexuízo de que se poida exercer, se é o caso, calquera outro recurso que se estime procedente.

Pontevedra, 17 de abril de 1997.

Juan Luis Pedrosa Fernández

Alcalde

Julio Dapena Outomuro

Secretario xeral

3850