A Sociedade para o Desenvolvemento Comarcal de Galicia, anuncia a convocatoria para a contratación laboral fixa da seguinte praza:
Posto: operador de cartografía dixital.
Titulación: bacharelato ou FP II.
Perfil da praza: as condicións requiridas para a praza (titulación, perfil específico, etc.) estarán
expostas na sede da Sociedade Anónima para o Desenvolvemento Comarcal de Galicia, sita na Barcía (Santiago de Compostela), estrada Santiago de Compostela-Noia, km 3.
Documentación que hai que presentar.
-Datos persoais completos, en fotocopia do DNI.
-Xustificante de titulación esixida.
-Curriculum vitae demostrable.
-Teléfono de contacto.
Lugar e prazo de presentación.
-As solicitudes presentaranse no domicilio social da sede, entre as 9 e as 14 horas, de luns a venres.
-O prazo de presentación será de quince días hábiles a partir do seguinte ó da publicación correspondente no DOG.
Procedemento de selección.
-No prazo de cinco días naturais contados a partir da data do remate do prazo de presentación de instancias, publicarase a lista de admitidos ás probas, e os excluídos por non cumpri-los requisitos esixidos.
Os candidatos admitidos na primeira fase deberán superar superar unha proba teórico-práctica, que se celebrará no lugar e data que se especificará.
-Estipúlase un prazo de reclamacións de dez días hábiles, a partir da publicación da lista definitiva de admitidos e excluídos.
Andrés Precedo Ledo
Conselleiro delegado da Sociedade para
o Desenvolvemento Comarcal de Galicia