A Dirección Provincial do Servicio Galego de Saúde de Ourense, en virtude das atribucións que lle foron delegadas conforme o establecido no artigo 6º h) da Orde do 22 de maio de 1996 (DOG nº 111, do 6 de xuño) da Consellería de Sanidade e Servicios Sociais e da autorización do director xeral de Recursos Económicos, con data 4 de marzo de 1997, convoca o seguinte concurso público para a contratación do servicio de lavandería dos centros: Complexo Hospitalario Cristal-Piñor, Complexo Hospitalario Santa María Madre-Doutor Cabaleiro Goás e atención primaria.

1. Nome e enderezo do servicio: Servicio Galego de Saúde, Dirección Provincial de Ourense, rúa Xoan XXIII, nº 27, primeiro e segundo andar. Teléfono: (988) 38 55 95. Fax: (988) 38 55 60.

2. Categoría do servicio e descrición: ve-lo apartado I do anexo I (prego de condicións especiais e prescricións técnicas).

Orzamento máximo anual: 128.180.000 ptas. (IVE incluído).

3. Lugar de execución: o que determine o adxudicatario.

4.a) Posibilidade de que, conforme as normas legais, regulamentarias ou administrativas, se reserve a prestación do servicio a unha determinada profesión: as empresas deberán estar clasificadas no grupo III, subgrupo 6, categoría D.

b) Referencia á dita norma legal, regulamentaria ou administrativa: artigo 25 da Lei 13/1995, de contratos das administracións públicas.

5. Posibilidade de que os prestadores de servicios liciten para unha parte dos servicios dos que se trate: non existe a dita posibilidade.

6. Se é o caso, prohibición de variantes: non se admiten variantes.

7. Duración do contrato ou prazo para realiza-lo servicio: 4 anos, prorrogable ata un máximo de 6, por acordo das partes.

8.a) Nome e enderezo do servicio ó que se pode solicita-la documentación pertinente: ve-lo punto 1.

b) Prazo para face-la solicitude: 20 de xuño de 1997.

9.a) Data límite da recepción das ofertas: 27 de xuño de 1997.

b) Enderezo ó que deben dirixirse: ve-lo punto 1.

c) Lingua ou linguas na que deban redactarse: galego ou castelán.

10.a) Persoas admitidas para asistiren á apertura das plicas: a apertura será en acto público.

b) Lugar, data e hora desta apertura: no enderezo sinalado no punto 1 o día 8 de xullo de 1997 a partir das 10 horas.

11. Garantías esixidas: fianza provisional previa, equivalente ó 2% do orzamento de licitación. Unha vez adxudicado o servicio, o adxudicatario deberá constituír unha fianza do 4% do orzamento de licitación.

12. Modalidades básicas de financiamento e de pagamento e/ou referencias ás disposicións pertinentes: o pagamento realizarase mensualmente, logo da conformidade do servicio, mediante transferencia bancaria á conta sinalada polo adxudicatario. Deberá terse en conta, en todo caso, o establecido no artigo 100 da Lei 13/1995, do 18 de maio, de contratos das administracións públicas.

13. Se é o caso, forma xurídica que deberá adopta-la unión de empresas adxudicatarias do contrato: unión temporal de empresas.

14. Datos referentes á situación do prestador de servicios e datos e formalidades necesarias para avalia-las condicións mínimas de carácter económico e técnico ás que deberá axustarse o prestador de servicios: ve-los pregos de cláusulas administrativas particulares e de condicións especiais e prescricións técnicas.

15. Prazo durante o que o licitador estará obrigado a mante-la súa oferta: tres meses desde a data de apertura das proposicións.

16. Criterios que se seguirán para adxudica-lo contrato: ve-lo apartado 11 da folla de especificacións do prego de cláusulas administrativas particulares.

17. Información complementaria: ve-lo pregos de cláusulas administrativas particulares e de condicións especiais e prescricións técnicas.

18. Data de envío do anuncio á Oficina das Publicacións Oficiais das Comunidades Europeas: 6 de maio de 1997.

19. Anuncios: o importe do anuncio da presente resolución na prensa e nos boletíns oficiais será pola conta do adxudicatario.

Ourense, 18 de abril de 1997.

Rosendo L. Fernández Fernández

Director provincial do Servicio Galego de Saúde de Ourense

3958