Convócase concurso público por procedemento aberto, trámite de urxencia, para a subministración de equipamento deportivo para a pista de atletismo do Campus de Elviña.

O prego de cláusulas administrativas particulares para a contratación de subministración por concurso público pódese retirar na Xerencia, Servicio de Xestión Económica, na sede do Rectorado sita na r/ Mestranza, s/n A Coruña, de luns a venres e das 9 ás 14 horas.

As propostas presentaranse no rexistro xeral da universidade, r/ Mestranza, s/n de luns a venres e de 9 ás 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da xerencia; se este día coincide en sábado, realizarase o luns seguinte á mesma hora.

Orzamento de contratación: once millóns de pesetas (11.000.000).

Garantía provisional: duascentas vinte mil pesetas (220.000).

A Coruña, 14 de maio de 1997.

P.D. (Resolución 30-3-1990)

José María Pujalte Giménez

Xerente

3942