De conformidade co disposto estatutariamente, e por acordo do Consello de Administración, convócase asemblea xeral ordinaria da Caixa de Aforros Provincial de Pontevedra para o día dezaoito de xuño de mil novecentos noventa e sete, que se vai celebrar no auditorio, situado no edificio social da entidade, na rúa Augusto González Besada, 2 e 4, de Pontevedra (acceso polo polígono de Campolongo), ás dezaoito horas na primeira convocatoria e, de non reunirse o quórum necesario, en segunda convocatoria no mesmo día e en igual lugar ás dezaoito trinta horas, para trata-los asuntos comprendidos na seguinte orde do día:

I. Confección da relación de asistentes para a determinación do quórum e subseguinte constitución válida da asemblea.

II. Apertura da reunión pola presidencia.

III. Exame e aprobación, se é o caso, do informe da xestión do Consello de Administración, memoria, balance anual e conta de resultados do exercicio de 1996, así como da proposta de aplicación destes para os fins da entidade. Informe de auditores.

IV. Aprobación, se procede, da xestión da comisión delegada de obras sociais durante o exercicio de 1996, así como do orzamento para 1997.

V. Informe da comisión de control sobre a súa actuación en 1996.

VI. Emisión de cotas participativas, obrigas subordinadas, cédulas hipotecarias, bonos de tesourería ou calquera outro título financeiro de renda fixa.

VII. Cesamento de conselleiros xerais e a súa substitución polos suplentes correspondentes.

VIII. Rogos e preguntas.

IX. Acordo sobre aprobación da acta da sesión.

Con quince días de antelación ó da data da asemblea, os conselleiros xerais terán á súa disposición, na secretaría técnica da entidade, toda a documentación necesaria para a análise dos puntos que contén a orde do día establecida.

Pontevedra, 14 de maio de 1997.

Manuel Campos Villarino

Presidente do Consello de Administración