De conformidade coa proposta elevada pola comisión designada para xulga-lo concurso convocado por resolución desta universidade do 17 de xullo de 1996 (BOE do 14 de agosto), para a provisión da praza número 96/037 de catedrático de universidade da área de coñecemento máquinas e motores térmicos, do departamento de Construccións Navais desta universidade, a favor de Jesús Benajes Calvo, e unha vez acreditados polo interesado os requisitos a que alude o apartado 2 do artigo 5 do Real decreto 1888/1984, do 26 de setembro.
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Jesús Benajes Calvo, catedrático de universidade da área de coñecemento de máquinas e motores térmicos, do departamento de Construccións Navais, desta universidade.
A Coruña, 2 de maio de 1997.
José Luis Meilán Gil
Rector da Universidade da Coruña
3613