Aprobación definitiva da modificación P.3 N.S.P. do Concello de Láncara na Pobra de San Xiao.

A corporación municipal en pleno deste concello, en sesión ordinaria celebrada o 26 de marzo de 1997, acordou prestar aprobación definitiva á modificación P.3 N.S.P. do Concello de Láncara na Pobra de San Xiao, sendo a parte dispositiva do mencionado acordo a seguinte:

Primeiro.-O acto de aprobación definitiva publicarase no Diario Oficial de Galicia, comprensivo do alcance da modificación.

Segundo.-Daráselle traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado, con tódolos planos e documentos que integran a modificación puntual das N.S.P., debidamente dilixenciado polo secretario do concello.

Terceiro.-A eficacia da aprobación definitiva e a entrada en vigor da modificación puntual das N.S.P. queda condicionada á xustificación no expediente de terse cumprido o descrito nos apartados anteriores.

Contra este acordo, que é definitivo en vía administrativa, poderase interpor directamente e no prazo de dous meses, recurso contencioso-administrativo, perante o Tribunal Superior de Xustiza de Galicia logo da comunicación ó órgano autor do acto ó que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que poida exercerse, se é o caso, calquera outro recurso que se considere procedente.

Láncara, 4 de abril de 1997.

Eladio Capón López

Alcalde

3651