Visto o expediente para outorgamento de autorización administrativa e aprobación do proxecto de execución da instalación eléctrica que se cita:
Solicitante: Sociedad Electricista de Tui.
Enderezo social: A Coruña, 36000 Tui.
Denominación: L.M.T. e C.T. en Marvar-Ponte Romana.
Situación: concello de Tui.
Descricións técnicas: L.M.T., soterrada, de 490 m de lonxitude, con conductor tipo R.H.V., desde a L.M.T. xeral Caldelas e final no C.T. que se proxecta en Marvar-Ponte Romana, concello de Tui. C.T. de 250 kVA, relación de transformación 15/20 kV-398/230 V.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Pontevedra, 20 de marzo de 1997.
Ramón Álvarez Abad
Delegado provincial de Pontevedra
3114