A Corporación Municipal en Pleno deste Concello, en sesión ordinaria celebrada o día 26 de marzo de 1997, acordou aprobar definitivamente a modificación puntual das normas subsidiarias municipais de planeamento, para corrección de aliñacións na avenida de León da vila de Sanxenxo e, ó mesmo tempo e de conformidade co disposto no artigo 8 d) da Lei 7/1995, do 2 de abril, e segundo consta no informe xurídico que consta no expediente, acordouse o seguinte:
Primeiro.-O acto de aprobación definitiva publicarase no Diario Oficial de Galicia, comprensivo do alcance da modificación.
Segundo.-Darase traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado, con tódolos planos e documentos que integran a modificación puntual das normas, debidamente dilixenciado polo secretario do concello.
Terceiro.-A eficacia do acto de aprobación definitiva da modificación quedará condicionada á recepción do expediente completo na consellería referida e á publicación íntegra das normas e ordenanzas no BOP.
Contra este acordo, que é definitivo en vía administrativa, poderase interponer directamente e no prazo de dous meses recurso contencioso-administrativo ante o Tribunal Superior de Xustiza de Galicia na Coruña, logo de comunicación ó órgano autor do acto a que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que poida exercer, se é o caso, calquera outro recurso que considere procedente.
Sanxenxo, 10 de abril de 1997.
J. Luis Rodríguez Lorenzo
Alcalde