A Dirección Provincial do Servicio Galego de Saúde da Coruña, en virtude das atribucións que lle foron delegadas, conforme o establecido na Orde do 22-5-1996 do conselleiro de Sanidade e Servicios Sociais sobre delegación de competencias en órganos centrais e periféricos do Sergas, convoca o seguinte concurso público para a subministración de equipos de administración de fluídos.

1. Nome e enderezo do servicio: Servicio Galego de Saúde, Dirección Provincial da Coruña, r/ Durán Loriga, nº 3-4º andar, teléfono (981) 18 56 00, fax (981) 18 56 78.

2. Modalidade da adxudicación: concurso público.

3. a) Lugar da entrega da subministración: as entregas do material faranse nos lugares de almacenamento que lles indique cada hospital ós adxudicatarios.

b) Natureza e cantidade dos productos que se deban subministrar: equipos de administración de fluídos (ver prego de prescricións técnicas).

Orzamento total: corenta e tres millóns cincocentas noventa mil pesetas (43.590.000 ptas.) IVE incluído.

c) Indicacións relativas á posibilidade de que os subministradores liciten por partes e/ou polo conxunto das subministracións requiridas: a licitación poderá versar sobre a totalidade dos lotes, ou sobre cada un deles.

4. Prazo de entrega eventualmente imposto: as entregas faranse segundo a demanda de cada centro hospitalario.

5. a) Nome e enderezo do servicio ó que se poden solicita-los documentos pertinentes: ve-lo punto 1.

b) Data límite para efectuar esta solicitude: 2 de xuño de 1997.

6. a) Data límite da recepción das ofertas: 9 de xuño de 1997.

b) Enderezo ó que deben dirixirse: ve-lo punto 1.

c) Lingua ou linguas nas que deban redactarse: castelán ou galego.

7. a) Persoas admitidas a asistiren á apertura das ofertas: apertura en acto público.

b) Data, hora e lugar da dita apertura: a partir das 10 horas no enderezo que se sinale no punto 1, o día 2 de xuño de 1997.

8. Fianzas e garantías esixidas: fianza provisional previa, equivalente ó 2% do orzamento de licitación

do lote ou lotes ós que se presente a empresa ofertante. Unha vez adxudicados os lotes, os adxudicatarios deberán constituír unha fianza definitiva do 4% do orzamento de licitación dos lotes que lles foron adxudicados.

9. Modalidades esenciais de pagamento e/ou referencia ós textos que as regulan: o pagamento realizarase mediante transferencia bancaria á conta designada polo adxudicatario, unha vez recibida a subministración, debendo terse en conta, en todo caso, o establecido no Art. 100 da Lei 13/1995, do 18 de maio, de contratos das administracións públicas.

10. Forma xurídica que deberán adopta-la agrupación de provedores:

11. Información e formalidades necesarias para a avaliación das condicións mínimas de carácter económico e técnico que deberá reuni-lo provedor: ve-lo prego de cláusulas administrativas particulares.

12. Prazo durante o que o licitador estará obrigado a mante-la súa oferta: 3 meses desde a data de apertura de proposicións.

13. Criterios que se seguirán para adxudica-lo contrato: ve-lo prego de cláusulas administrativas particulares e prego de prescricións técnicas.

14. Outras informacións: ve-lo prego de cláusulas administrativas particulares.

15. Data de envío do anuncio á oficina das publicacións oficiais das comunidades europeas: 18 de abril de 1997.

16. Anuncios: o importe do anuncio da presente resolución na prensa e nos boletíns oficiais será por conta do adxudicatario.

A Coruña, 14 de abril de 1997.

Antonio V. Martínez Calvo

Director provincial da Coruña

97-3079