Visto o expediente da revisión salarial do convenio colectivo do sector de elaboración e instalación de pedra e mármore que tivo entrada nesta delegación provincial da Consellería de Xustiza, Interior e Relacións Laborais o día 25-3-1997, subscrito en representación da parte económica por Asoemar e, da parte social por UGT, CC.OO. e CIG o día 7-3-1997, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 1 de abril de 1997.

Mª Reyes Carabel Pedreira

Delegada provincial da Coruña

Na Coruña o sete de marzo de mil novecentos noventa e sete reúnense previamente convocada nos locais da Confederación Intersindical Galega, sitos nesta cidade rúa Ronda de Nelle, 11 bis, a comisión negociadora do convenio colectivo para a actividade de elaboración e instalación de pedra e mármore co obxecto de proceder á actualización das táboas salariais do citado convenio, de conformidade co disposto no texto deste.

Asisten á reunión pola representación económica: Manuela Fernández Pouso e Manuel Alende Ramos por Asoemar; pola representación social: Jesús María Calvo Romero e Celestino Pérez Vázquez por UGT; Santiago Huertas Pozurano por CC.OO.; Vicente Moreira Sobrido, Manuel Ríos e Domingo Besada Saavedra pola CIG.

Unha vez actualizadas as referidas táboas, estas son asinadas por tódolos presentes e, ó non haber máis asuntos que tratar, dáse por finalizada a reunión ás seis trinta horas do día da data.

ANEXO I

TÁBOA SALARIAL DO CONVENIO COLECTIVO DE TRABALLO PARA A ACTIVIDADE DE ELABORACIÓN E INSTALACIÓN DE PEDRA E MÁRMORE

DA PROVINCIA DA CORUÑA, VIXENTE PARA O PERÍODO 1 DE XANEIRO Ó 31 DE DECEMBRO DE 1997

NOTA: a paga de beneficios ratéase en 12 meses, motivo polo cal o seu importe figura incluído no salario base deste anexo I.

A antigüidade das categorías reflectidas na táboa salarial -con salario mensual- está calculada conforme a un mes de 30 días, mentres que os pluses, en xeral, o están conforme os 22 días.

Os conceptos cotizables á Seguridade Social son: salario, antigüidade e plus de asistencia.

ANEXO II

TÁBOA SALARIAL ANUAL CORRESPONDENTE A 1997

Os salarios reflectidos na presente táboa salarial son meramente estimativos, posto que os integran conceptos fixos e outros que o son por día traballado, polo motivo do cal se observará, en todo momento, o disposto no anexo I.

ANEXO III

HABERES EXTRAORDINARIOS ARTIGO 19º DO CONVENIO COLECTIVO DE TRABALLO PARA A ACTIVIDADE DE ELABORACIÓN E INSTALACIÓN

DE PEDRA E MÁRMORE DA PROVINCIA DA CORUÑA, VIXENTE PARA O PERÍODO 1 DE XANEIRO Ó 31 DE DECEMBRO DE 1997

NOTA: as pagas extras aboaranse nos meses de xullo e decembro, a razón de 30 días de salario base e antigüidade, de conformidade co disposto na presente táboa salarial, e estas serán percibidas proporcionalmente ó tempo traballado.

3424