A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG do 6 de xuño) da Consellería de Sanidade e Servicios Sociais, convoca o seguinte concurso público:
Contratación da subministración sucesiva de próteses de xeonllo. (C.P. 12/1997).
Os licitadores poderán concorrer a un, a varios ou á totalidade dos lotes que se enumeran no prego de cláusulas administrativas particulares.
Orzamento: 22.280.000 pesetas (IVE incluído).
Forma da adxudicación: procedemento aberto mediante concurso público, polo trámite de urxencia.
Prazo de execución: desde a data de formalización do correspondente contrato ata o 31-12-1997 inclusive, en entregas sucesivas, de acordo con pedidos ou programacións.
Admisión de variantes: admítense sempre e cando superen o estipulado nas prescricións técnicas.
Solvencia económica e financeira: de acordo co establecido no artigo 16.1º, apartado c), da Lei 13/1995, de contratos das administracións públicas.
Solvencia técnica: de acordo co establecido no artigo 18, apartados a), d) e e), da Lei 13/1995 citada.
Criterios de adxudicación: 1) Calidade, ata 5 puntos. 2) Prezo, ata 4 puntos. 3) Servicio, ata 1 punto.
Documentación de interese para os licitadores: os pregos de cláusulas administrativas particulares e técnicas, e demais documentación complementaria poden ser solicitados no Servicio de Compras do Complexo Hospitalario Cristal-Piñor, rúa Ramón Puga, 52, (edificio de Administración-planta baixa), de Ourense, en días hábiles, das 9 ás 13 horas, agás sábados.
Garantías:
-Provisional: 2% do importe da licitación correspondente ó lote a que concorra.
-Definitiva: 4% do importe de licitación do que sexa adxudicatario.
Presentación de proposicións: deberán ser presentadas en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado. No caso de que o devandito día coincida en sábado ou festivo,
o prazo de presentación finalizará o seguinte día hábil.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (988) 38 58 49 ou telegrama no mesmo día, de conformidade coa lexislación vixente.
Apertura de proposicións: terá lugar en acto público na sala de xuntas anexa á dirección de xestión do complexo hospitalario, ás 9 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o día hábil seguinte.
Documentación que achegarán os licitadores: os documentos sinalados no prego de cláusulas administrativas particulares.
Anuncios: o pagamento dos anuncios será por conta do adxudicatario.
Ourense, 17 de abril de 1997.
Pedro A. Soler Bordoy
Director xerente do Complexo Hospitalario Cristal-Piñor de Ourense
3375