Polo presente edicto, xa que os debedores comprendidos na relación inserida a seguir, non se atoparon nos domicilios que figuran nos rexistros da Administración tributaria, ou alegaron distintas causas para non recibi-las notificacións as persoas autorizadas pola lexislación para facerse cargo delas, fáiselles saber que:
Notifícase á/ós debedor/es de acordo co artigo 103 do Regulamento xeral de recadación (Real decreto 1684/1990, do 20 de decembro) que, por non ter feito o ingreso da débeda de referencia no prazo de pagamento no período voluntario, segundo o esta
blecido no artigo 127 da Lei xeral tributaria, o xefe da Dependencia de Recadación acorda:
«No uso das facultades conferidas polos artigos 100, 106 e 169 do Regulamento xeral de recadación, liquido o recargo de constrinximento polo 20 por cento do importe da débeda pendente e dicto providencia de constrinximento para proceder executivamente contra o patrimonio ou garantías do/s debedor/es, no caso de non producirse o pagamento nos prazos sinalados no artigo 108 do citado regulamento».
Recursos.
Recurso de reposición perante o órgano que dictou a providencia de constrinximento, no prazo de 15 días contados desde o seguinte ó de recibo desta notificación, ou reclamación económico-administrativa ante o tribunal competente da dita xurisdicción, no mesmo prazo, sen que poidan simultanearse ámbolos recursos. A resolución das reclamacións económico administrativas corresponderalle ós órganos económico administrativos da Comunidades Autónoma.
Motivos de impugnación.
O procedemento de constrinximento poderá impugnarse polos seguintes motivos (artigo 138.1º da Lei xeral tributaria e artigo 99.1º do Regulamento xeral de recadación).
-Pagamento ou extinción da débeda.
-Prescrición.
Aprazamento.
Falta de notificación da liquidación ou anulación ou suspensión da débeda.
Defecto formal no título expedido para a execución.
Suspensión do procedemento.
O procedemento de constrinximento, aínda que se interpoña recurso, soamente se suspenderá nos termos e condicións sinalados no artigo 101 do Regulamento xeral de recadación (R.D. 1.684/1990, do 20 de decembro).
Solicitude de aprazamento.
De acordo con artigo 48 do Regulamento xeral de recadación, poderase aprazar ou fracciona-lo pagamento das débedas no período executivo. A presentación das solicitudes de aprazamento ou fraccionamento efectuarase na delegación ou administración da A.E.A.T. do territorio no que se deba efectua-lo pagamento.
Lugar de pagamento.
Na entidade que realiza o servicio de caixa da delegación ou administración da A.E.A.T.
Xuros de demora.
As cantidades debidas, con exclusión do recargo de constrinximento, renderán xuros de demora desde o día seguinte ó vencemento da débeda no período
voluntario ata a data do seu ingreso. O tipo de xuro fixarase de acordo con establecido nos artigos 58 da Lei xeral tributaria e 36 da Lei xeral orzamentaria, segundo se trate de débedas tributarias ou non tributarias, respectivamente.
Custas.
No caso de producirse custas no procedemento, a Administración cargará o seu importe no debedor, conforme o establecido nos artigos 153 e 157 do Regulamento xeral de recadación.
Prazos para efectua-lo ingreso.
(Artigo 108 do Regulamento xeral de recadación).
A) As notificacións recibidas entre os días 1 e 15 de cada mes, ata o día 20 do mesmo mes ou inmediato hábil posterior.
B) As notificacións recibidas entre os días 16 e último de cada mes, ata o día 5 do mes seguinte ou inmediato hábil posterior.
Comparecencia do interesado.
Advírteselle ó debedor que pode comparecer, por si ou por medio de representante, no expediente executivo que se segue contra el. Transcorridos oito días desde a publicación deste anuncio sen comparece-lo interesado, terase por notificado de tódalas sucesivas dilixencias, ata que remate o procedemento, sen prexuízo do dereito que o asiste para comparecer.
Vigo, 18 de marzo de 1997.
Carlos Pérez Quintanilla
Xefe da Dependencia de Recadación
Suxeito pasivo DNI/NIF Concepto/Obxecto tributario Período Débeda
Suxeito pasivo DNI/NIF Concepto/Obxecto tributario Período Débeda
Suxeito pasivo DNI/NIF Concepto/Obxecto tributario Período Débeda
Suxeito pasivo DNI/NIF Concepto/Obxecto tributario Período Débeda