Convocada a provisión, polo sistema de libre designación, de dous postos de traballo vacantes na Consellería de Educación e Ordenación Universitaria, pola Orde do 5 de marzo de 1997 (DOG nº 53, do 18 de marzo).
Esta consellería, no uso das facultades e atribucións conferidas polos artigos 15.4º e 27.2º da Lei da función pública de Galicia, e os artigos 16 e 17 do Decreto 93/1991, do 20 de marzo,
RESOLVE:
Primeiro.-Adxudicarlles destinos nos postos de traballo que se indican ós funcionarios dos que se expresan os seus datos no anexo desta orde.
Segundo.-O cesamento nos actuais destinos dos funcionarios que obtiveron as prazas, producirase no prazo de tres días contados a partir do seguinte ó da publicación desta orde no Diario Oficial de Galicia.
A toma de posesión das prazas adxudicadas deberá realizarse no prazo dos tres días seguintes ó do cesamento, se se trata da mesma localidade na que prestan os seus servicios os funcionarios, ou no prazo dun mes se se trata de distinta localidade, conforme o establecido no artigo 14 do Decreto 93/1991, do 20 de marzo.
Terceiro.-A xefatura de persoal do centro onde causen alta os funcionarios realizará, dentro dos prazos sinalados nos apartados anteriores, a dilixencia de toma de posesión e seguidamente levaranse a cabo os trámites necesarios para a entrada en nómina.
Das dilixencias efectuadas darase traslado, mediante fotocopia, á Dirección Xeral da Función Pública.
Cuarto.-Contra esta orde poderase interpoñer recurso contencioso-administrativo perante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Diario Oficial de Galicia, comunicando previamente a esta consellería a vontade de interpoñelo.
Santiago de Compostela, 14 de abril de 1997.
Celso Ramón Currás Fernández
Conselleiro de Educación e Ordenación
Universitaria
ANEXO
Denominación: xefe Servicio Inspección Técnica Educación.
Código do posto: ED.C99.10.000.15001.083.
Dependencia: delegación provincial.
Localidade: A Coruña.
Grupo: A
Nivel: 28.
Corpo/Escala: inspectores educación.
Apelidos e nome: Del Pozo Andrés, Fernando.
Nº rexistro persoal: 33.761.572.57.A0510
Denominación: secretaria/o.
Código do posto: ED.C01.00.000.15770.003.
Dependencia: gabinete do conselleiro.
Localidade: Santiago de Compostela.
Grupo: D
Nivel: 18
Corpo/Escala: xeral/auxiliar.
Apelidos e nome: Rodríguez González, María Sol.
Nº rexistro persoal: 76.715.130.24.A2059
3015