A Secretaría Xeral da Consellería de Agricultura, Gandería e Montes, resolveu convoca-la seguinte licitación polo sistema de concurso público aberto:
Obxecto: contratación da subministración consistente na subministración e instalación de material e equipo de laboratorio para as subestacións enolóxicas de Ribadumia (Pontevedra) e O Barco de Valdeorras (Ourense), dependentes da Estación de
Viticultura e Enoloxía de Galicia -Leiro- Ourense (IAS-389), de acordo cos proxectos e pregos aprobados para iso.
Orzamento de licitación: seis millóns oitocentas sesenta e oito mil setecentas sesenta e seis pesetas (6.868.766 ptas.).
Fianza provisional: cento trinta e sete mil trescentas setenta e cinco pesetas (137.375 ptas.).
Fianza definitiva: duascentas setenta e catro mil setecentas cincuenta e unha pesetas (274.751 ptas.).
Exposición dos pregos: o prego de cláusulas administrativas particulares, así como o de prescricións técnicas estarán a disposición dos licitadores para o seu exame durante o prazo de presentación de ofertas, os días e horas hábiles de oficina, na Dirección Xeral de Estructuras e Desenvolvemento Rural da Consellería de Agricultura, Gandería e Montes (edificio administrativo San Caetano, s/n, Santiago de Compostela, A Coruña).
Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
Presentación e apertura de proposicións: as ofertas deberán presentarse no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, de 26 de novembro, de réxime xurídico das administracións públicas e do procedemento administrativo común, antes das 14 horas do día 21 de maio de 1997.
A apertura de proposicións terá lugar en acto público ás 13 horas do día 28 de maio de 1997, na sala B de reunións da Consellería de Presidencia e Administración Pública, sita no semisoto do edificio central de San Caetano, Santiago de Compostela.
Gastos de publicación: serán por conta dos adxudicatarios.
Santiago de Compostela, 16 de abril de 1997.
P.D. (Orde 13-12-1993, DOG nº 239, do 14-12)
Antonio L. Rosón Pérez
Secretario xeral da Consellería de Agricultura, Gandería e Montes
3076