O Concello de Quiroga (Lugo), en sesión celebrada o día 28 de marzo de 1996, aprobou o proxecto de E.L. de Campos de Vila a Pacios da Serra e na sesión do día 28 de novembro de 1995 acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa. O concello remitiu documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Relacións Laborais o día 12 de marzo de 1997 de baixo o número 3156.

Os bens nos que se concreta a declaración de urxente ocupación están determinados no expediente que se someteu a información pública.

A Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o día 1 de xullo 1996, nº 6664.

Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque se trata dunha obra que é absolutamente prioritaria para o concello no referente á comunicación da capitalidade cos núcleos rurais e o seu interese xeral para a colectividade transcende do interese circunscrito ós propios núcleos afectados. Trátase dun servicio que o concello está obrigado a prestar segundo a lexislación vixente de réxime local, e ademais da posibilidade das axudas doutras administracións para a realización da devandita obra, é determinante mellora-la seguridade vial, dadas as pésimas condicións actuais e o volume de tráfico que soporta determinado polos seus habitantes e polas industrias da zona. Outro punto importante que hai que ter en conta é a potenciación do turismo rural da zona (hoxe en día en auxe), que leva consigo un gran aumento de visitantes a zona, a obtención de importantes recursos económicos e aumento

da circulación pola devandita estrada.

A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.

Na súa virtude, por proposta do conselleiro de Xustiza, Interior e Relacións Laborais e logo de deli-

beración do Consello da Xunta de Galicia na súa reunión do día dez de abril de mil novecentos noventa e sete,

DISPOÑO:

Artigo único.-De conformidade co disposto no artigo 52 da Lei de expropiación forzosa, declárase a urxente ocupación, polo Concello de Quiroga (Lugo) para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto de E.L. de Campos de Vila a Pacios da Serra.

Santiago de Compostela, dez de abril de mil novecentos noventa e sete.

Manuel Fraga Iribarne

Presidente

Jesús C. Palmou Lorenzo

Conselleiro de Xustiza, Interior e Relacións Laborais

2947