O artigo 28 do vixente Estatuto de autonomía de Galicia, establece no seu apartado 2º a competencia da Comunidade Autónoma de Galicia no desenvolvemento lexislativo e a execución da lexislación do Estado en materia de expropiación forzosa.

Con data do 17 de decembro de 1996 o presidente do Organismo Autónomo Augas de Galicia aprobou definitivamente o anteproxecto da obra do encoro de Caldas de Reis no río Umia.

O Consello da Xunta de Galicia, en virtude do Decreto 375/1996, do 11 de outubro, acordou declara-la utilidade pública das mencionadas obras e a urxente ocupación dos bens afectados por estas, para os efectos do establecido no artigo 52 da vixente Lei de expropiación forzosa.

Na súa virtude, e en cumprimento do disposto nos artigos 52 da vixente Lei de expropiación forzosa do 16 de decembro de 1954, e 56 e seguintes do regulamento para a súa aplicación, este departamento no uso das facultades que lle confire o artigo 98 da mencionada lei, resolveu convoca-los titulares de bens e dereitos afectados que figuran na relación exposta no taboleiro de anuncios do Concello de Moraña, e que máis abaixo se detallan, para que comparezan nos lugares, datas e horas que se indican, para proceder ó levantamento das actas previas á ocupación, nas que se recollerán os datos necesarios para determina-los bens e dereitos afectados, o valor destes e os prexuízos dimanantes da rápida ocupación, sen prexuízo de se trasladaren o lugar dos predios se o consideran necesario.

Termo municipal de Moraña.

Lugar: Estrd. PO-221 de Caldas de Reis a Campolameiro.

Tramo: Moraña-Campolameiro.

Cruzamento: Couso-Santa Xusta, entre o p.k. 4 e o p.k. 5.

Horas: de 10 a 14 horas.

Días:

-12 de maio de 1997: do predio nº 0001 ó predio nº 0040.

-13 de maio de 1997: do predio nº 0041 ó predio nº 0082.

-14 de maio de 1997: do predio nº 0083 ó predio nº 0124.

-15 de maio de 1997: do predio nº 0125 ó predio nº 0166.

-16 de maio de 1997: do predio nº 0167 ó predio nº 0200.

-19 de maio de 1997: do predio nº 0201 ó predio nº 0242.

-20 de maio de 1997: do predio nº 0243 ó predio nº 0285.

-21 de maio de 1997: do predio nº 0286 ó predio nº 0330.

-22 de maio de 1997: do predio nº 0331 ó predio nº 0375.

-23 de maio de 1997: do predio nº 0376 ó predio nº 0424.

Ó dito acto, deberán acudi-los titulares afectados, persoalmente ou ben representados por persoa debidamente autorizada para actuar no seu nome, e achegará os documentos acreditativos da súa titularidade, documento nacional de identidade e o derradeiro recibo da contribución, podendo facerse acompañar, pola súa conta, e se o consideran oportuno, dos seus peritos e notario.

Así mesmo, e en cumprimento do establecido no artigo 56 do regulamento da Lei de expropiación forzosa, ábrese información pública durante o prazo de quince días hábiles, contados a partir do seguinte ó da publicación desta resolución ou ata o momento do levantamento da acta previa á ocupación correspondente, co fin de que os interesados poidan formular por escrito, ante este Departamento de Xestión do Dominio Público Hidráulico de Augas de Galicia, Xunta de Galicia, en Santiago de Compostela, as alegacións que consideren pertinentes co obxecto de emendar posibles erros padecidos ó relaciona-los bens afectados pola urxente ocupación.

Santiago de Compostela, 10 de abril de 1997.

Agustín Hernández Fdez. de Rojas

Xefe do Departamento de Xestión de Dominio Público Hidráulico

RELACIÓN DE PROPIETARIOS, BENS E DEREITOS AFECTADOS

3012