En cumprimento do disposto no artigo 4 do R.D. 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que na Sección de Mediación, Arbitraxe e Conciliación desta delegación provincial, foron depositados a acta de modificación e os novos estatutos da Asociación de Comerciantes del Barrio del Pilar que no sucesivo, e en virtude da dita modificación, se denominará Asociación de Comerciantes Novo Ferrol.

Asinan a acta de modificación e os novos estatutos: Francisco Fajardo Fernández (presidente) e José Pico Alvariño (secretario).

Os estatutos depositados poderán seren examinados por calquera persoa interesada.

A Coruña, 1 de abril de 1997.

María Reyes Carabel Pedreira

Delegada provincial da Coruña

2927