Advertido erro na publicación da Orde do 27 de xaneiro pola que se aproba o modelo de contrato para a iniciación dos servicios de autotaxi fóra do termo municipal de residencia procede, para os efectos de darlle estricto cumprimento á previsión contida no artigo 20 da Lei 6/1996, do 9 de xullo, corrixi-lo modelo publicado no DOG nº 33, do 18 de febreiro de 1997, no senso de incluír entre a referencia correspondente o punto de recollida dos viaxeiros e a do nome e apelidos do contratante, a mención do punto de destino da viaxe.
Na súa consecuencia, o anexo I da referida Orde do 27 de xaneiro de 1997, terá a seguinte configuración:
ANEXO NÚMERO I
XUNTA DE GALICIA
DIRECCIÓN XERAL DE OBRAS PÚBLICAS E TRANSPORTES
Modelo oficial de contrato ó que fai referencia o artigo 20 da Lei 6/1996, do 9 de xullo -servicios interurbanos excepcionais, en vehículos de turismo, taxis con recollida de viaxeiros fóra do termo municipal onde estea residenciada a licencia.
-Matrícula do vehículo
-Tarxeta de transporte nº
-Punto de recollida dos viaxeiros
-Punto de destino da viaxe
-Nome e apelidos do contratante
No suposto de que o contrato se realice por mandatario verbal, nome e apelidos deste
-Identificación dos viaxeiros ós que vai recoller
-Lugar, data e hora da contratación
-Data e hora previsible do inicio do servicio
Sinatura do mandatarioSinatura do usuarioSinatura do taxista
(ratificación)
Asdo.:Asdo.:Asdo.:
DNI nºDNI nºDNI nº
97-2799