Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que segue:
Solicitante: Unión Eléctrica-Fenosa, S.A.
Enderezo social: Severo Ochoa, 2, 15008 A Coruña.
Denominación: L.M.T. e C.T. de 50 kVA en Vilarello.
Situación: Oroso e Frades.
Descripcións técnicas: liña eléctrica aérea de media tensión, a 20 kV, sobre apoios de formigón e con conductor LA-56, de 843 m de lonxitude, con orixe na liña denominada Folgoso-Galiñeiro, (expediente 15243) e final no C.T. que se vai instalar en Vilarello.
Centro de transformación aéreo de 50 kVA, e tensións de 20/0,380-0,220 kV en Vilarello. Frades e Oroso.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
A Coruña, 21 de febreiro de 1997.
Juan Ignacio Lizaur Otero
Delegado provincial da Coruña
2499