De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanse ós contribuíntes co último domicilio coñecido que se sinala os aumentos de base impoñible que resultan da comprobación de valores efectuada polo Servicio de Xestión Tributaria e que supoñen a aplicación do artigo 14.7º do Real decreto lexislativo 1/1993, do 24 de setembro, polo que se aproba o texto refundido da Lei do imposto sobre transmisións patrimoniais e actos xurídicos documentados.

A diferencia de valor respecto do declarado resulta de utiliza-los medios de comprobación previstos no artigo 52 da Lei xeral tributaria, sendo de aplicación, o artigo 14.7º do citado texto refundido da Lei do imposto sobre transmisións patrimoniais e actos xurídicos documentados.

Contra a presente notificación poderá interpoñe-los seguintes recursos sen que se poidan simultanear: reclamación económico-administrativa ante o Tribunal Económico-Administrativo Rexional de Galicia, (Secretaría Delegada de Ourense, rúa Santo Domingo, nº 27), ou recurso de reposición ante o Servicio de Xestión Tributaria desta Delegación Territorial, rúa do Progreso, nº 38 entresollado, Ourense, unha e outro no prazo de quince días con

tados desde o seguinte á data da publicación desta cédula. Así mesmo, e no mesmo prazo, de non estaren conformes coa valoración practicada, poderán solicita-la práctica da taxación pericial contradictoria. Se se interpón a reclamación económico-administrativa, deberán xustificalo ante esta oficina.

Ourense, 12 de marzo de 1997.

Norberto Francisco Bayón

Delegado territorial de Ourense

ANEXO I

2562